မြဝတီမြို့နယ်၊ သစ်ကတေစံပြကျေးရွာရှိ ဆာ့တောနော်အထက်တန်းကျောင်းတွင် မိုးရာသီအားကစားပြိုင်ပွဲ ကျင်းပ မြဝတီ – ဇူလိုင် ၁၇၊ ၂၀၂၆ ကရင်ပြည်နယ်၊ မြဝတီမြို့နယ်ရှိ သစ်ကတေစံပြကျေးရွာ၊ ဆာ့တောနော်အထက်တန်းကျောင်း၌ ကျောင်းသား၊ ကျောင်းသူများ၏ ကိုယ်ကာယနှင့် စိတ်ဓာတ်ကြံ့ခိုင်မှု ပိုမိုဖွံ့ဖြိုးတိုးတက်စေရန် ရည်ရွယ်၍ မိုးရာသီအားကစားပွဲတော်ကို ယနေ့တွင် စည်ကားသိုက်မြိုက်စွာ ကျင်းပပြုလုပ်ခဲ့သည်။ အဆိုပါ အားကစားပွဲတော်အား ကျောင်းသား၊ ကျောင်းသူများအနေဖြင့် အခြေခံဗလငါးတန်ဖြစ်သည့် ကာယဗလ (ခန္ဓာကိုယ်ကြံ့ခိုင်မှု)၊ ဉာဏဗလ (ဉာဏ်ပညာဖွံ့ဖြိုးမှု)၊ မိတ္တဗလ (ပေါင်းသင်းဆက်ဆံရေးကောင်းမွန်မှု)၊ စာရိတ္တဗလ (ကိုယ်ကျင့်တရားကောင်းမွန်မှု) နှင့် ဘောဂဗလ (အသက်မွေးဝမ်းကျောင်းဆိုင်ရာ အသိပညာ/အရည်အချင်း) တို့နှင့် ပြည့်ဝသည့် ထူးချွန်ထက်မြက်သော လူငယ်များ ဖြစ်လာစေရန် ရည်ရွယ်ချက်ဖြင့် ကျင်းပခြင်းဖြစ်သည်။ ပွဲတော်အတွင်း ကျောင်းသား၊ ကျောင်းသူများက အားကစားလှုပ်ရှားမှုများတွင်…

မွေးနေ့မှာ နန်းနှင်းနန္ဒါချစ်သူ (ခ) ArKu အတွက် (၂၈) နှစ်မြောက် မွေးနေ့ဆုမွန်ကောင်း ဇူလိုင် ၁၉၊ ၂၀၂၆ ၂၈ နှစ်မြောက် မွေးနေ့မှာ နန်းနှင်းနန္ဒါချစ်သူ (ခ) ArKu တစ်ယောက် စိတ်၏ချမ်းသာခြင်း၊ ကိုယ်၏ကျန်းမာခြင်းတို့နဲ့ ပြည့်စုံပြီး လိုအင်ဆန္ဒအားလုံး တစ်နှစ်ထက်တစ်နှစ် ပိုမိုပြည့်ဝလာပါစေကြောင်း ဆုမွန်ကောင်းတောင်းလိုက်ပါတယ်။ ဒီနှစ်သစ်ကစပြီး လှပတဲ့ အနာဂတ်အတွက် လမ်းစတွေပွင့်ပြီး ရည်မှန်းထားတဲ့ အောင်မြင်မှုတွေကို အလွယ်တကူ ပိုင်ဆိုင်နိုင်ပါစေ။ စိတ်ချမ်းမြေ့စရာတွေနဲ့ ပြည့်နှက်နေတဲ့ အချိန်ကာလတွေကို ပိုင်ဆိုင်ရပြီး၊ ကိုယ်တိုင်ရော ကိုယ့်ချစ်ရတဲ့သူတွေပါ ပျော်ရွှင်ရတဲ့ နှစ်သစ်တစ်ခု ဖြစ်ပါစေလို့ ထပ်မံဆုတောင်းပေးလိုက်ပါတယ်။

မနေ့ ဇူလိုင်လ ၁၅ ရက်နေ့မှာ ကျင်းပတဲ့ GuGu (၉)နှစ်​မြောက် ​မွေး​နေ့အမှတ်တရ ရုပ်သံမှတ်တမ်းအချို့    

  မြိုင်ကြီးငူတွင် သုံးရက်တာ ကျင်းပသည့် အလှူတော်နှင့် ဆရာတော်ဘုရားကြီး ကြွရောက်ဆွမ်းခံ အမျှဝေပွဲ အောင်မြင်စွာ ပြီးဆုံး မြိုင်ကြီးငူ၊ ဇူလိုင် ၁၄ ရက် ကရင်ပြည်နယ်၊ လှိုင်းဘွဲမြို့နယ်၊ မြိုင်ကြီးငူဒေသရှိ လင်းလွန်းမြိုင်၊ ကံ့ကော်မြိုင်၊ စုံဝဏ္ဏာမြိုင်နှင့် မြနန်းမြိုင်ရပ်ကွက်များ၌ သုံးရက်တိုင်တိုင် ကျင်းပပြုလုပ်ခဲ့သည့် အလှူတော်အခမ်းအနားသည် ဇူလိုင်လ ၁၃ ရက်နေ့တွင် နောက်ဆုံးနေ့အဖြစ် အောင်မြင်စွာ ပြီးဆုံးခဲ့ကြောင်း သိရသည်။ အဆိုပါ အခမ်းအနား၏ နောက်ဆုံးနေ့တွင် ကျေးဇူးတော်ရှင် ဓမ္မညီနောင်ဆရာတော်ဘုရားကြီး ဘဒ္ဒန္တဉာဏိကသည် ဒေသခံရပ်ကွက်များသို့ ကြွရောက်၍ ဆွမ်းခံလှည့်လည် အလှူခံတော်မူခဲ့သည်။ ယင်းနောက် ဆရာတော်ဘုရားကြီးသည် တရားနာပရိသတ်များနှင့် ဒကာ၊ ဒကာမများအားလုံးကို ရည်စူး၍ ကုသိုလ်ကောင်းမှု အစုစုတို့အတွက် အမျှပေးဝေခဲ့ရာ တက်ရောက်လာသူများက “သာဓု၊ သာဓု၊ သာဓု” ဟု…

  (လှိုင်းဘွဲ၊ ဇူလိုင် ၁၄) ကရင်ပြည်နယ်၊ လှိုင်းဘွဲမြို့နယ်၊ ကမော့လဲရွာ၌ ဗိုလ်ချုပ်စောချစ်သူနှင့် ဒေါ်နန်းခင်လှသူ မိသားစုတို့မှ အလှူဒါနပြု ဆောက်လုပ်လှူဒါန်းပေးခဲ့သော “ချစ်ထူးမြိုင်” အခြေခံပညာအလယ်တန်းကျောင်းနှင့် “ချစ်လင်းမြိုင်” မူကြိုကျောင်းဆောင်သစ် ဖွင့်ပွဲအခမ်းအနားကို စည်ကားသိုက်မြိုက်စွာ ကျင်းပပြုလုပ်ခဲ့သည်။ အဆိုပါ ကျောင်းဆောင်သစ်ဖွင့်ပွဲ အခမ်းအနားသို့ တက်ရောက်လာကြသော ဧည့်သည်တော်များ၊ ဒေသခံပြည်သူများနှင့် ကျောင်းသားမိဘများအားလုံးကို အထူးပင် ကျေးဇူးတင်ရှိကြောင်း အလှူရှင်မိသားစုက မှတ်တမ်းတင် ဂုဏ်ပြုစကား ဆိုသည်။ ထို့ပြင် အနာဂတ်မျိုးဆက်သစ် လူငယ်မောင်မယ်များ ပညာသင်ကြားနိုင်ရေးအတွက် ယခုကဲ့သို့ အများအကျိုးဆောင်ရွက်ပေးခဲ့သည့် အလှူရှင်မိသားစု အပေါင်းတို့သည်လည်း ကောင်းကျိုးလိုရာဆန္ဒများ ပြည့်စုံကြပြီး ထာဝရ သက်ရှည်ကျန်းမာကြပါစေကြောင်း ဆုမွန်ကောင်း တောင်းအပ်ပါသည်။  

ရွှေကုက္ကိုလ်မြိုင် ရွှေပြည်အေးကျောင်းတိုက်၌ စာချ၊ စာသင်သံဃာတော်များအား နဝကမ္မနှင့် လှူဖွယ်ဝတ္ထုများ ဆက်ကပ်လှူဒါန်း ရွှေကုက္ကိုလ်၊ ဇူလိုင် ၁၄ ရက် ၁၃၈၈ ခုနှစ်၊ ပထမဝါဆိုလဆုတ် (၁၄) ရက်၊ တနင်္လာနေ့တွင် ရွှေကုက္ကိုလ်မြိုင်ရှိ ရွှေပြည်အေးကျောင်း အခြေခံပရိယတ္တိစာသင်တိုက်၌ ပညာသင်ကြားနေကြသော ဆရာတော်၊ စာချနှင့် စာသင်သံဃာတော်များအား အလှူရှင် ဒေါ်ဥမ္မာနှင့် မိသားစုတို့က လာရောက်၍ လှူဒါန်းမှုများ ပြုလုပ်ခဲ့ကြောင်း သိရသည်။ အဆိုပါ ကုသိုလ်ကောင်းမှုအဖြစ် အလှူရှင်မိသားစုမှ သံဃာတော်များအား အချိုရည်နှင့် နဝကမ္မဝတ္ထုငွေများအား ရိုသေစွာ ဆက်ကပ်လှူဒါန်းခဲ့ကြသည်။ ယခုကဲ့သို့ လှူဒါန်းရသည့် ကုသိုလ်အကျိုးအားဖြင့် အလှူရှင်မိသားစုနှင့်တကွ လူ၊ နတ်၊ ဗြဟ္မာ သတ္တဝါအပေါင်းတို့ ဘေးရန်ကင်းကွာ၍ ကိုယ်ကျန်းမာ၊ စိတ်ချမ်းသာစွာဖြင့် လိုရာဆန္ဒများ ပြည့်စုံကြပါစေကြောင်း ဆုမွန်ကောင်းတောင်းအပ်ပါသည်။

နာယကချုပ်ဆရာတော်ဘုရားကြီး အရှင်ပညာသာမိ (တောမှီရဟန်း) ၏ သက်တော် (၆၆) နှစ်ပြည့် မွေးနေ့မင်္ဂလာ အခါသမယတွင် ဆုမွန်ကောင်းတောင်းအပ် ဖားအံ၊ ဇူလိုင် ၁၄။ နာယကချုပ် ဆရာတော်ဘုရားကြီး အရှင်ပညာသာမိ (တောမှီရဟန်း) ၏ သက်တော် (၆၆) နှစ်ပြည့် ဝိဇာတမွေးနေ့ မင်္ဂလာအခါသမယတွင် (K.C.O) သတင်းနှင့်ပြန်ကြားရေးအဖွဲ့မှ ရိုသေလေးမြတ်စွာဖြင့် ဆုမွန်ကောင်းများ တောင်းအပ်ပါသည်။ ဆရာတော်ဘုရားကြီးအနေဖြင့် သက်တော် (၆၆) နှစ်ပြည့် မွေးနေ့မှသည် သက်တော်ရာကျော် ရှည်ကြာစွာ တည်တံ့ပါစေကြောင်းနှင့် သာသနာတော်အကျိုး၊ အမျိုးဘာသာအကျိုး၊ ပြည်နယ်နှင့် နိုင်ငံတော်အကျိုး၊ ထို့အတူ ပြည်သူလူထုတစ်ရပ်လုံး၏ အကျိုးစီးပွားများကို ကျန်းမာချမ်းသာစွာဖြင့် လွယ်ကူစွာ ဆက်လက်ဆောင်ရွက်တော်မူနိုင်ပါစေကြောင်း ရိုသေလေးမြတ်စွာဖြင့် ဂုဏ်ပြုဆုမွန်ကောင်း တောင်းအပ်ပါသည်။  

ထူးသစ္စာအောင် (HTA) WIFI အသုံးပြုသူ မိဘပြည်သူများခင်ဗျာ… ယနေ့တွင် ဆာဗာခန်း (Server Room) မီးလောင်ကျွမ်းမှု ဖြစ်ပွားခဲ့သောကြောင့် အင်တာနက်လိုင်းများ ယာယီပြတ်တောက်နေရပါသည်။ လက်ရှိတွင် ပြန်လည်ပြင်ဆင်မှုများ စတင်လုပ်ဆောင်နေပြီဖြစ်သော်လည်း ဝန်ဆောင်မှု ပြန်လည်ရရှိမည့်ရက် အတိအကျကိုမူ မပြောကြားနိုင်သေးပါ။ မိဘပြည်သူများအနေဖြင့် အင်တာနက်လိုင်းမရရှိပါက Router စက်များအား မလိုအပ်ဘဲ ခလုတ်ပိတ်/ဖွင့်ခြင်း၊ Setting များ ပြောင်းလဲခြင်း မပြုလုပ်ကြပါရန် လေးစားစွာဖြင့် မေတ္တာရပ်ခံအပ်ပါသည်။ ယခုကဲ့သို့ အဆင်မပြေမှုများ ဖြစ်ပေါ်ခဲ့ရသည့်အတွက် အထူးပင် တောင်းပန်အပ်ပါသည်။

ကရင်ပြည်နယ်၊ လှိုင်းဘွဲမြို့နယ်တွင် ချစ်ထူးမြိုင်နှင့် ချစ်လင်းမြိုင် ကျောင်းဆောင်သစ်များ ဖွင့်လှစ်၊ ရေစက်ချနှင့် ဝါဆိုသင်္ကန်းကပ်လှူပွဲ ကျင်းပ ကမော့လဲ၊ ဇူလိုင် ၁၂ ကရင်ပြည်နယ်၊ လှိုင်းဘွဲမြို့နယ်၊ ကမော့လဲကျေးရွာရှိ အခြေခံပညာအလယ်တန်းကျောင်း၌ အလှူရှင်မိသားစုမှ ဆောက်လုပ်လှူဒါန်းသော ကျောင်းဆောင်သစ်များ ဖွင့်ပွဲ၊ ရေစက်ချအလှူတော်နှင့် ဝါဆိုသင်္ကန်းကပ်လှူပွဲကို ၂၀၂၆ ခုနှစ်၊ ဇူလိုင်လ ၁၁ ရက်နေ့တွင် စည်ကားသိုက်မြိုက်စွာ ကျင်းပပြုလုပ်ခဲ့သည်။ အဆိုပါ အခမ်းအနားတွင် မတည်အလှူရှင် ဗိုလ်ချုပ်စောချစ်သူနှင့် နန်းခင်လှသူ မိသားစုတို့ ဆောက်လုပ်လှူဒါန်းခဲ့သည့် “ချစ်ထူးမြိုင် ကျောင်းဆောင်သစ်” နှင့် “ချစ်လင်းမြိုင် မူကြိုကျောင်းဆောင်သစ်” တို့ကို အောင်မြင်စွာ ဖွင့်လှစ်ခဲ့ပြီး၊ အလှူဒါနပြုလုပ်ခြင်းအတွက် ရေစက်ချတရားတော်နာယူခြင်းနှင့် ဝါဆိုသင်္ကန်းကပ်လှူခြင်းတို့ကို ဆောင်ရွက်ခဲ့သည်။ ယခုကဲ့သို့ ကျောင်းဆောင်သစ်များ ဆောက်လုပ်လှူဒါန်းပေးခြင်းသည် ကျောင်းသား၊ ကျောင်းသူများ စိတ်အေးချမ်းသာစွာ ပညာသင်ကြားနိုင်ရေးအတွက်…

ဖားအံ၊ ဇူလိုင် ၁၁ ရက်၊ ကရင်ယဉ်ကျေးမှုနှင့် အနုပညာရပ်များ စဉ်ဆက်မပြတ် ရှင်သန်ဖွံ့ဖြိုးရေးအတွက် ရည်ရွယ်၍ ကရင်ယဉ်ကျေးမှုအနုပညာအစည်းအရုံး (K.C.O) မှ လုပ်ငန်းစဉ်များအား အရှိန်အဟုန်ဖြင့် ရှေ့ဆက်ဆောင်ရွက်လျက်ရှိသည်။ ယင်းလုပ်ငန်းစဉ်များ ရေရှည်တည်တံ့ခိုင်မြဲပြီး ပိုမိုထိရောက်စွာ အကောင်အထည်ဖော်နိုင်စေရန်အတွက် “ထာဝရရံပုံငွေပဒေသာပင်” ကို စိုက်ထူ၍ ရံပုံငွေရှာဖွေခြင်းလုပ်ငန်းကို အကောင်အထည်ဖော်လျက်ရှိသည်။